Ciidamada ammaanka ee dowladda Puntland ayaa Xalay gacanta ku dhigay gaari waxyaabaha qarxa laga soo buuxiyay iyo 5 nin oo watay, kaasi oo ay booliisku sheegeen in loogu talagalay in lagu qarxiyo xarumo ku yaal Magaaladda Bosaso
Qabashada waxyaabaha qarxa iyo gaariga Ayaa ka dambeysay kadib markii ay Ciidamada 24 saac ee la soo dhaafay ay howlgalo ballaaran ka sameeyeen gudaha iyo hareeraha magaaladda Bosaso ee xarunta gobolka bari
Taliyaha ciidanka Madaxtooyda Puntland cabdirashiid Cabdiraxmaan Ismaaciil oo warbaahinta la hadlay ayaa sheegay inay heleen xog la xiriirta qaraxyada oo lagu diyaariyay saddex fuusto oo loogu talagalay saddex gaari oo la doonayay in lagu qarxiyo saddex bartilmaameed oo muhiim.
Taliska Booliiska gobolka weli faahfaahin dheeraad ah kama bixin qaraxyada iyo rag waday ee ay qaybteen iyo kooxda ay ka tirsan yihiin iyo xarumaha loogu talagalay in lagu qarxiyo.
Horseed Media 2017