Dawladda Itoobiya Oo Ka Hadashaay Inay Safaaradeeda U Rarayso Qudus iyo In kale

Dawladda Itoobiya Oo Ka Hadashaay Inay Safaaradeeda U Rarayso Qudus iyo In kale

Dowlada Ethiopia ayaa daboolka ka qaaday inaysan adeeci doonin go’aanka uu Madxaweynaha Mareykanka Donald Trump magaalada Qudus ugu hibeeyay Israel.

Ethiopia waxa ay sheegtay in howlaha Safaaradooda ay kasii socon doonto caasimada Israel ee Tel Aviv, isla markaana ay ka fiirsan doonaan Go’aanka Trump.

Ethiopia waxa ay sheegtay in Safaaradeeda Tel Aviv aysan u rari doonin magaalada Qudus inta ay meel uga dhaceyso xiisada ka taagan arrinta Qudus oo meel xun gaarsiisan.

Meles Alem oo ah Afhayeenka Wasaaradda Arrimaha Dibedda Ethiopia ayaa hadalkan ka sheegay Shir jaraa’id oo uu ku qabtay magaalada Addis Ababa ee xarunta dalka Ethiopia.

Meles Alem, waxa uu cod dheer ku sheegay in Go’aanka Donald Trump uu yahay keliya mid ku kooban dowlada Mareykanka oo u muuqaneysa inay xiisad ka dhex dhalineyso dowladaha Islaamka iyo kuwa rumeysan diimaha kale.

Meles Alem, waxa uu cadeeyay in Mowqifka Ethiopia ee xiisada Qudus ay tahay mid lamid ah Mowqifka Midowga Afrika ee dhex dhexaadka ah.

PROMOTED CONTENT