Koonfur Galbeed: Doorashada Aqalka Sare maalmaha Khamiista iyo Jimcaha ayeey dhaceysaa..

Maamulka Koonfur Galbeed ayaa ku dhawaaqay waqtiga  ay qabanayaan Doorashada Musharaxiinta maamulkaasi u matalaya Aqalka sare ee Somaliya.

Guddoomiyha Guddiga doorashada Dadban ee Maamulka Koonfur Galbeed Sayid Cali Baafo,ayaa sheegay in maanta oo talaado ah Xildhibaannada doonaya aqalka sare ay jeediyaan khudbadahooda,islamarkaana ay buuxiyaan shuruudaha lag rabo.

Waxaa uu sidoo kale sheegay in Maalmaha Arbacada iyo khamiista ee Berri iyo Saadambe in ay doorashada xubnaha aqalka sare ka dhaceyso Magaalada Baydhaba oo hadda xarun ku meel gaar ah u ah maamulka Koofur Galbeed.

Hadalkiisa wuxuu intaasi raaciyay 23-ka Bishan inay bilaabanayso Doorashada Xubnaha u matalaya Aqalka hoose, islamarkaana ay diyaar yihiin Ergooyinka 51-da ah ee doorashada galaya.

Puntland iyo Jubbaland ayaanan weli si rasmi ah u shaacin xilliga rasmiga ah ee doorashada ay dhaceyso ee Aqalka Sare.