Iyadoo Doorashada Xubnaha Puntland ku Metelaya Aqalka Sare ee Baarlamaanka Federaalka Somalia ay maanta ka billaabatay Garoowe, ayaa xubnihii ugu horreeyay ee ku guuleystay waxay noqdeen; Ra’iisul Wasaaraha Soomaaliya, Cumar C/rashiid Cali Sharma’arke iyo Madaxweynihii hore ee Puntland C/raxmaan Shiikh Maxamed Faroole.
Doorashada ayaa billaabatay kaddib markii ay saakay khudbooyinkooda dhameysteen shan xubnood oo shalay waqti u waayay inay khudbadahooda jeediyaan, ayaa waxaa haddana ka mid ah xubnaha tartamaya 10-haween ah.
Sidoo kale, Wariyaha HOL ee ku sugan halk ay Doorashadani ka Socoto, Abaadir C/qaadir Cilmi ayaa soo sheegaya in doorashadu ay tanaasul sameeyeen Labadii Xubnood ee kula tartamayay kursiga Jen. Maxamed Siciid Xirsi [Moorgan], iyadoo aan la ogeyn musharrax la tartami doonta.
Puntland ayaa laga doonayaa I nay kasoo baxaan 11-xubnood oo ku metelaya Aqalka Sare ee Baarlamaanka Federaalka Somalia, halka maamul-gobleedyada kale laga doonayo min siddeed xubnood oo keliya.
Haddaba, Natiijada Doorashadaan Xubnaha Aqalka Sare ee Puntland, Waxaad kula socon doontaan wararka soo socda ee HOL haddii ALLE ogolaado.