Faah-faahin dheeraad ah ayaa ka soo baxeysa dagaal u dhaxeeyay ciidamada Dowladda Federalka Somaliya iyo kuwa Shabaab oo ka dhacay xalay deegaanka Bud-bud oo ka tirsan Gobolka Galgaduud.
Ciidamada Shabaabka ayaa gudaha u galay deegaanka Bud-bud waxayna halkaasi kula dagaalameen ciidamada Dowladda.
Ugu yaraan 8 ruux oo dhinacyadii dagaalamay ah ayaa halkaasi ku geeriyooday, sidoo kale waxaa jira Khasaare dhaawacyo ah oo ka dhashay dagaalkaasi.
Saraakiisha ciidamada Dowladda ayaa sheegay deegaanka Bud-bud inay ku sugan yihiin ciidamadooda, islamarkaana xaalada ay tahay mid degan.
Deegaanka Bud-bud ayaa la shegay shalay gelinkii dambe inay ka guureen ciidamadii Itoobiyaanka ahaa ee halkaasi joogay, taasina ay keentay in Shabaab damac uu ka soo galo inay qabsadaan deegaanka.