Donald Trump iyo Hillary Clinton oo ah Labada Musharax ee Xisbiyada Jamhuuriga iyo Dimoqaraadiga u taagan xilka Madaxweyninimada Mareykanka ayaa bilaabay Ololahoodii ugu dambeeyay ee Tartanka Doorashada.
Ololaha tartanka Doorashada Madaxtinimida Mareykanka oo ay musharixiintaasi wadeen muddo laba bilood ah, ayaa waxa u midkan yahay kii ugu dambeeyay wuxuuna ka dhacayaa Gobolka Ohio.
Ra’yi Uruuri n la sameeyay ayaa lagu ogaaday in Musharaxa Xisbiga Jamhuuriga Donald Trump uu Gobollo badan Mareykan ah uu kaga dambeeyo Hillary Clinton, lakin uu aad ugu dhaw yahay.
Dhanka kale Wakaaladaha Wararka Associated press iyo Reuters ayaa ra’yi ururin ay sameeyeen Jimcihii la soo dhaafay ku sheegay in musharaxa Xisbiga jamhuuriga Donald Trump uu ka dambeeyo Clinton 8 dhibcadood.
Waxaana la sheegay in dib u dhaca Trump ay sabab u tahay hadalada qalafsan ee aan loo meeldayin uu mar kasta jeedinayo isagoo iska lumiyay kalsooni badan tageerayaashiisa ay markii hore u qabeen.