Ciidamada Jabuuti oo dad u soo qab qabtay qaraxii lagu weeraray xeradooda Magalada Baledweyne..

October 26, 2016 Wararka Soomalida

AMISOM peacekeepers assess the scene of an explosion after members of the al Shabaab Islamist group rammed a suicide truck bomb into their military base in the area of Beledweyne town, north of the capital Mogadishu — African Union Mission in Somalia (AMISOM) peacekeepers assess the scene of an explosion after members of the al Shabaab Islamist group rammed a suicide truck bomb into their military base in the area of Beledweyne town, north of the capital Mogadishu, October 25, 2016. REUTERS/Stringer

Ciidamada Militariga Jabuuti ee qaybta ka ah Ciidanka Nabad Ilaalinta Midowga Afrika, ayaa waxay tiro dad ah u soo qab qabteen qaraxii maanta lagu weeraray xerada, ay ku leeyihiin xaafadda Hawlwadaag ee Galbeedka Magaalada Baledweyne.

Gaari laga soo buuxiyay walxaha qarxa, ayaa barqanimadii maanta ku qarxay afaafka hore ee xeradooda, ka dib markii askarta reer Jabuuti ay rasaas ku caabiyeen wadihii gaarigaasi.

Ciidamada Jabuuti oo qaraxaasi ka dib isu fidiyay xaafadda Hawlwadaag iyo xaafadaha kale ee Galbeedka Magaalada Baledweyne ku yaala, ayaa waxay ku soo qab qabteen dad ay la xiriirinayaan Ururka Al Shabaab.

Ciidamada Jabuuti, ayaa sidoo kale hal nin oo dhaawac qaba kala baxay Isbitaalka Guud Baledweyne, kaasoo lagu tuhmaayo in uu wax ka ogaa qaraxaasi.

Taliyaha Ciidamada Jabuuti ee Somaliya, Korneyl Xasan Jaamac Faarax, ayaa sheegay in dadka la soo qab qabtay ay iminka baaritaano ku wadaan.

Taliyaha, ayaa ka gaabsaday tirada dadka ay gacanta ku soo dhigeen, marka laga soo taggo in uu xaqiijinayo inay dad u soo xir xireen qaraxaasi.