Madaxweynaha Dowladda Federaalka ee Soomaaliya mudane, Xasan Sheekh Maxamuud ayaa wadanka isutagga iImaaraadka Carabta kula kulmay dhaxal sugaha Imaaraadka Abu Dhabi, Sheekh Maxamed Bin Sayid Al Nahyan, ahna ku xigeenka taliyaha ciidanka qalabka sida ee wadankaasi
Waxaa ay sidoo kale ay labadan mas’uul ka wada hadleen mashaariicda Imaaraadka Carabta uu ku taageerayo shacabka Soomaaliyeed, sida dib u dhiska wadanka iyo arimaha bulshada si Soomaaliya ay awood ugu yeelato horumar iyo deganaansho.
Madaxweynaha dalka Soomaaliya Mudane Xasan Sheekh Maxamuud ayaa dhaxal sugaha Imaaradda Abu dhabi waxaa uu warbixin ka siiyay xaaladda Soomaaliya, gaar ahaan dadaalada dowladda ay ugu jirto sidii meesha looga saari lahaa kooxda xagjiriinta ah isla markaana wadanka loogu soo dabaali lahaa nabad iyo xasilooni buuxda.