Madaxweynaha Dalka Eritrea Isaias Afwerki ayaa gaaray MagaaladaAdis-ababa ee xarunta Dalka Ethopia ka dib markii uu casumaad rasmi ah ka helay raisal Wasaaraha Ethopia Abiy Ahmed, Raisal Wasaaraha iyo xubno ka tirsan dawlada ayaa si heer-sare ah ugu soo dhaweeyay garoonka diyaaradaha Bole.
Masuuliyiinta labada dhinac ayaa lagu waddaa in ay ka wada hadlaan xoojinta xiriirka labada dal, dhamaystirka heshiisyadii ay horay u gaareen iyo guud ahaan xaalada Geeska-Afrika.
Afwerki ayaa maalin ka hor kasoo laabtay Booqasho uu ku tagay Dalka Imaraatka Carabta isaggoo kulamo lasoo qaatay madaxda ugu saraysa Dalkaas.