Ergeyga gaarka ah ee Qaramada Midoobeey u qaabilsan Suuriya, Staffan de Mistura, waxa uu sheegay in xabad joojinta ku meelgaarka ah ee Isniintii dhaqan gashay ay dhalisay in si wanaagsan ay colaadaha u istaagaan.
Staffan De Mistura waxa uu hadalkaasi ka sheegay shir jaraa’id oo uu ku qabtay Geneva.
Caruur ayaa la arkay ayagoo jidadka ku ciyaaraya kaddib markii duqeynta ay ka istaagtay qeybo badan oo Xalab ay kamid tahay.
Laakiin Ruushka waxa uu mucaaradka ku eedeynayaa in labaatan carqalad ay dalka oo dhan ka sameeyeen. Waxay maamulka Washington ka doonayaan inay xakameeyaan ururada ay taageeraan.
Hase yeeshee, Afhayeen u hadlay Mareykanka, Mark Toner, waxa uu sheegay in Ruushka iyo Mareykanka ay si wada jir ah u eegayaan sii socoshaha xabad joojinta.