Madaxda Wasaaradda Klalluumeysiga ee dowladda Jamhuuriyadda Soomaalia ayaa maanta magaalada Muqdisho ku soo gabagabeeyay tababar aqoon kororsi ah oo looga hadflaayey ururinta macluumaadka la xiriira Kalluumeysiga iyo sida ugu haboon ee loo hormarin karo xagga tayeynta qalabka .
Tababarkaan oo muddo laba cisho ah ka socday xarunta Wasaaradda Kaluumeysiga ee magaalada \muqdisho,waxaa mudadii uu socday la qeybgalay shaqaalaha Wasaaradda iyo xubno kale oo ka socday Ururada Iskashatooyinka Kalluumeysiga,iyadoo halkaasi looga hadlay qaabka ugu haboon ee loo diiwaangelin karo macluumaadka ku saabsan nuucyada kalluun ee la jilaabto maalin kasta iyo sida ay lagama maarmaanka u tahay tayeynta qalabka lagu xafido qeybaha kala duwan ee kalluunka.
Wasiir ku xigeenka Wasaaradda Kalluumeysiga,ahna ku simaha Wasiirka Mudane Siciid Jaamac Maxamed oo maanta gabagabadii tababarkaasi ka hadlay ayaa u rajeeyay ka qeybgalayaashaa in ay ka faa\ideystaan aqoontii wax ku oolka aheyd ee ay ka barteen dhinaca qeyraadka badda iyo adeegsiga xirfadaha shaqao ee kalluunka.
Agaasimaha Wasaaradda Kalluumeysiga C/risaaq Diiriye Bikolo oo isna ka hadlay xiritaankii tababarkaasi ayaa ka warbixiyay dadaalkii loo soo galay qabashada seminaarkaasi iyo kaalinta uu ka geysan karo horumarka dalka.